అమ్మ
మాధుర్యాన్ని, మమతను కలగలిపితే
ఓ కమ్మని బొమ్మ - ఆ బొమ్మ పేరే అమ్మ.
ఓర్పును, ఓదార్పును కలగలిపితే
ఓ మధురమైన చిత్తురువు - ఆ చిత్తరువే అమ్మ.
కారుణ్యాన్ని, కమనీయతను కలగలిపితే
ఓ కమ్మని ఆకృతి - ఆ ఆకృతే అమ్మ.
ఒక రాగాన్ని, త్యాగాన్ని కలగలిపితే
ఒక మధురస్మృతి - ఆ మధురస్మృతే అమ్మ.
ఓ లాలనను, ఓ తేనియను కలగలిపితే
ఓ కమ్మని రుచి - ఆ రుచి పేరే అమ్మ.
జాబిలిని, జాలిని కలగలిపితే
ఒక మధుర కృతి - ఆ కృతి పేరే అమ్మ.
తొలకరిని, కమ్మని కలని కలగలిపితే
ఓ అద్భుతరూపం - ఆ రూపమే అమ్మ.
ప్రాణాన్ని, ప్రాణవాయువును కలగలిపితే
ఓ మాధుర్య సజీవశిల్పం - ఆ శిల్పమే అమ్మ.
No comments:
Post a Comment