ఆత్మాపహారం
ఖాళీ చేసిన విస్కీబాటిల్ తో
పారేసిన సిగరెట్ పీకలు
బాతాఖానీ చేస్తున్నప్పుడు
నా కళ్ళ ముందున్న ప్రపంచం
నన్ను బొంగరంలా తిప్పుతున్నప్పుడు
కలం కాగితంపై ప్రసవించే అక్షరాలు
క్రమశిక్షణ లేని సైనికుల్లా
నా మీదనే
ఆత్మపరిశీలన ఆయుధాలను
గురిచూసినప్పుడైనా
తెరచుకోని నా కళ్ళు
ఇంకా మూసుకుపోతుంటే
గొంతు మాత్రం
అరువు తెచ్చుకున్న అందమైన అబద్ధాలను
క్రమబద్ధం కాని లయతో
పాడుతూనే ఉంది.
రచన - శంకర్ (27/2/1985)
No comments:
Post a Comment